LIKH KE TERA NAAM DILPAR

LIKH KE TERA NAAM DILPAR,

DARD HAZAARO DE BAITHA,

DIL KEH NA SAKA KUCH MUJHSE,

ZULMO KI BARSAAT KAR BAITHA.

WO ROTA HAI, DUKH SEHTA HAI,

PAR CHUP CHAAP SAB SEHTA HAI,

PAR JISNE ISKO DARD DIYA,

DEKH KE BAS WO HASTA HAI.

KHUSH HAI ISKE TADAPNE SE,

YE JO USPE MARTA HAI,

BERAHMI SE WO DEKHE HAI,

DIL THODA BHI NAI DARTA HAI.

ITNE AANSOO BEHNE PAR BHI,

WO TUJHKO DUWAYE DETA HAI,

KEHTA HAI WO NA MARTI TO KYA,

PAR HUM TOH USPE MARTE HAI.

YAAD AATE HAI WO BEETE DIN

UNGALI PAKAD KE CHALNA JINSE SIKHA,

SIKHA HAI JINSE JEENE KA SALIKHA,

SIKHAYA JINHONE MUSHKILON SE LADNA,

THOKAR SE GIRKAR AUR FIR SAMBHALNA,

JINKE KANDHO PE SOYA KARTA THA,

PURI ZIDD KARNE KO ROYA KARTA THA,

YAAD AATE HAI MUJHKO WO BEETE DIN,

KAISE MAIN UNKO TANG KARTA THA.



KEHTE NA MUJHSE SUNTE REHTE THE,

BAATON PE MERI WO HASA KARTE THE,

GAALON KO HAATHON MEIN FIR BHARKE,

PYAAR SE MAATHE PE CHUMA KARTE THE.



GALTI KO HAMARI PAL MEIN BHUL JAANA,

HAME DAANT KAR KHUD KO FIR SATANA,

FIR PYAAR SE GODDI MEIN KHILANA,

KHILATE KHILATE UNKA SAMJHANA,

RAATON MEIN JAG KAR MUJHKO SULANA,

JO NA NEEND AAYE TOH LORI SUNANA,

AATE HAI AANSOO,JAB BHI SOCHTA HU,

KHO GAYA KAHI HAI MERA WO ZAMANA.





MILE JO EK MAUKA KUCH MANGANE KA,

KHUDA SE ITNA MAIN BAS KAHUNGA,

DUKH NA TU DENA JAB TAK MAIN RAHUNGA,

UNKI SALAMATI MAIN MAANG LUNGA.

TERE SANG

UDANE LAGA HU JO PANKH NAHI TO KYA HUA,
TERE KHAYALON KO SAPNO MEIN JO SAJA LIYA,

TUJHKO JO PAAYA TOH JAHAAN SAARA MIL GAYA,
MANZIL KE RASTON KO PHOOLON NE SAJA DIYA,

DIL JO MASUM HAI KHIL UTHA BAHAAR MEIN,
MILNE LAGI ISKI KHUSHBOO BAYAAR MEIN.

ZINDAGI KA HAR PAL GUMSUM HI GUJARTA THA,
BADAL GAYA HAI MAUSAM AB TERE PYAAR MEIN,

CHUP THE KHAMOSH THE MERE JAZBAAT JO,
AAJ BOLNE LAGE HAI JO TUM MERE SAATH HO,

BAS ITNI DUA HAI, ITNI HI TUMSE GUZARISH HAI,
RAHE SANG HAR DAM, SUBAH HO YAA SHAAM HO.

LEHRON KI KAHANI

SUNO SUNATA HU LEHRON KI KAHANI,

MERI NAHIN YE LEHRON KI JUBAANI,

JO KEH NAHI PAATE KYA UNPE HAI GUJARI,

BAN KE JUBAAN UNKI MUJHE TUMKO HAI SUNANI.



CHALTA HI RAHA HU JAB SE BANA HU,

BINA SOCHE MEIN KYU YE KAR RHA HU,

KABHI TUM BHI TO SOCHO MERE BAARE MEIN,

HAZAARON JEEVON KO JEEVAN DE RAHA HU.



YUHI JO TUM MUJHKO SATAATE RAHOGEY,

KAMIYO KO APNI MUJHME CHUPATE RAHOGEY,

BHUL JAUNGAA MEIN BHI TUM KAUN HO,

CHALNE KO MUJHPE TARASNE LAGOGEY.



PARWAAH NAHI JO TUMKO JEEVON KI MUJHME,

MEIN KYU TUMHARI PARWAAH KARUNGA,

JO SAMJHOGE NAHI MERI MUSHKILON KO,

BANKE SUNAMI TUMPE BARASNE LAGUNGA.


 

WAQT AB BHI HAI SAMBHAL JAO TUM,

HARKATEIN APNI BADAL DAALO TUM,

THODA PYAAR MUJHSE BHI KARO TUM,

FIR DEKHO KOI MUSHKIL NAA AAYEGI.

AAKHRI PAIGAAM

KYA GALTI THI, JO MEIN JUDAA HUI,
APNO SE PEHLE, MEIN VIDAA HUI,
EK SAPNA MANN MEIN LEKAR CHALTI THI,
AAJ KHUD MEIN EK SAPNA HUI.

DUNIYA MUJHKO TU ITNA SAMJHA,
LADKI HU, KYA KOI GUNAAH HUI,
SABKE JAISE THE ARMAAN MERE,
AAJ NAHI BACHI, PEHCHAAN KOI.

AAJ MEIN KAL FIR KOI HOGA,
YUHIN FIR SE WO TADPEGA,
NIKAL JAYEGI, JAAN YUHIN,
KYA TUMME HAI INSAAN KOI.

MERI TARAH, KAI HAI DUNIYA MEIN,
JO JEETE HAI MARNE KE LIYE,
UNKAA JEVAN TUM LAUTA DO,
UN HAIWANO KO AB NA RAAHAT DO.

JO BAITHE HAI, SATTA KI KURSI PE,
UNSE HAI MERA, NIVEDAN YE,
CHODO ULAJHNA AB, PANNO MEIN,
KUCH KAAM KARO IS JEEVAN MEIN.


EK AISA SAMAAJ TUM HUMKO DO,
JAHAAN INSAANO SE DARR NA HO,
NA DARR HO SADKO PE CHALNE MEIN,
AUR NA ZALIMON SE LADNE MEIN.

PAIGAAM MERA YE ANTIM HAI,
KUCH PAL HAI AB SEENE MEIN,
FARIYAD KARUNGI MEIN RAB SE,
SUKH HO TUM SAB KE JEEVAN MEIN

MERA JEEVAN

EK DARR MANN MEIN BAITHA HAI,

KYU MERA JEEVAN AISA HAI,

NA JEENE KI NA MARNE KI,

NA ICHHA HAI KUCH KARNE KI.

REHTA LOGON KI BHEED MEIN,
DIL MERA KYU AKELA HAI,
APNO SE BHARI MEHFIL MEIN,
KUCH KHONE KA DARR LAGTA HAI.

KUCH JANE PEHCHANE CHEHRE,
HAR PAL SAATH BITATE HAI,
PAR AANE WALI RAATON KI,
KHAMOSHI SE DARR LAGTA HAI.

APNE MANN KI BECHAINI KO,
KYU MAIN HI NAHI SAMAJH PATA,
DARR HAI KHUD KO KHONE KA,
AUR US DARR SE DARR LAGTA HAI

PREM KAHANI

PREM KAHANI

EK KHWAHISH USKI THI
SAATH MERE JEENE KI,
EK KHWAHISH MERI THI
PAAS USKE HONE KI.

THE YE BACHPAN KE SAPNE
JAWANI MEIN BANE APNE,
SAATH JEENE MARNE KI
FIR KHAYI HUMNE KASME.

AAJ AAKHRI MILAN HAMARA
SAAYAD NA HO FIR DUBARA,
TAKDEER NE NAA JAANE KAISE
 HAME BANAYA  DO KINARA.

USKI AANKHEIN BOJHIL THI
MERA DIL BHI ROYA HAI,
KYA SHIKWAA KARU IS TAKDEER SE
MERE ‘APNO’ NE KHUSHIYON KO LUTA HAI.


KASOOR BAS ITNA SA THA
DONO KA MAJHAB DOOJA THA,
HUM DONO KE PYAAR KA
KISSA BAS ITNA SA THA.